Өмірбаян

Сейдахмет Ержан Артықұлы – 1974 жылы 7 - қарашада Түркістан облысы, Созақ ауданы, Қозмолдақ ауылында дүниеге келген. 1981 жылы осы елді мекендегі Ғ.Мұратбаев атындағы жалпы орта мектептің 1 - сыныбына қабылданып, 1992 жылы 11 - сыныпты бітіріп шықты. 1992 жылы Алматы қаласындағы Әл - Фараби атындағы Қазақ мемлекеттік ұлттық университетінің математика факультетіне түсіп, 1996 жылы математика пәнінің оқытушысы мамандығы бойынша жоғарғы кәсіби білім алып шықты.

Еңбек жолын 1997 жылы Түркістан облысы, Созақ ауданы, Қозмолдақ ауылындағы Ғ.Мұратбаев атындағы жалпы орта мектебіне математика пәнінің мұғалімі болып бастап, 2009 жылы аталған мектептің әлеуметтік педагогы, 2016 жылдан мектеп директорының оқу ісі жөніндегі орынбасары қызметін атқарған.

2024 жылдың 1 ақпанынан бастап «А.Байтұрсынов атындағы жалпы білім беретін мектеп» коммуналдық мемлекеттік мекемесінің директоры болып тағайындалды.

Отбасылы, 5 ұл - қызы бар.